La televida raportaĵo kun subtitoloj

Dankon al Thomas kiu alŝutis la raportaĵon el la kimraj novaĵoj pri Esperanto al YouTube.  Por tiuj kiuj ne komprenas la kimran, mi aldonis subtitolojn en Esperanto kaj en la angla (klaku ĉe ‘settings’ ĉe la fundo de la filmfenestro kaj elektu).

Ankaŭ aperis artikolon ĉe la retejo de BBC Cymru. La originala artikolo (en la kimra) troviĝas ĉi tie http://www.bbc.co.uk/cymrufyw/41674435

Mi tradukis ĝin (rapide, do ne perfekte) en Esperanton por vi ĉi-sube:

Esperanto viglas en mejloŝtona jaro
Siôn Pennar BBC Cymru Fyw: 18 Oktobro 2017

Esperanto viglas en Kimrio

Cent jaroj ekde la morto de ĝies kreinto, Esperanto nuntempe viglas en Kimrio.

Venontan sabaton okazos ĉe Conwy la unua Esperanto-Tago en la urbo, organizita de la urbestro, flua parolanto.

Venontan jaron la Brita kaj Tutkelta Kongresoj de Esperanto venos al Aberystwyth.

D-ro Ludoviko Zamenhof, la kreinto, celis krei lingvon internacian, duan lingvon por ĉiuj kiu estus facile lernebla.

Miliono da retaj lernantoj

Ekde la 1920-aj jaroj iuj enloĝantoj de la ĉefurbo kunvenas uzi la internacian lingvon; nuntempe membroj de Esperanto en Kardifo renkontiĝas ĉiun monaton paroli la lingvon.

La lingvo prosperas en la nuna cifereca epoko – pli ol unu miliono da lernantoj ĉe Duolingo – kaj la organizanto de la Kardifa grupo sentas sin pozitiva.

“Certe estas pli da intereso, ne nur en Kimrio, sed ankaŭ tutmonde,” diris Heather Eason, kiu, nekutime, estas denaska parolanto de la lingvo.

Image caption Teknologio multe helpis la uzadon de la lingvo, opinias Heather Eason

“Miliono da homoj lernas rete.

“Mi ankaŭ opinias ke en la nuna mondo, multaj homoj pli pensas pri la bezono pli bone kompreni unu la alian, sen politikado.”

‘Internacia helplingvo’

D-ro Zamenhof – pola okulisto – celis krei neŭtralan lingvon dum tre naciisma epoko, laŭ unu lingvisto.

“Li deziris krei internacian helplingvon,” diris Dr Jon Morris, lektoro pri lingvoj ĉe la Nacia Kimra Kolegio de la Universitato de Kardifo.

“Dua lingvo por ĉiu, kiu ebligus komunikadon inter diversaj lingvaj kaj etnaj grupoj. Li ankaŭ celis krei facile lerneblan lingvon.”

Ĉe Conwy dum la semajnfino gravos uzi la lingvon. La urbestro de Conwy, Bill Chapman, parolas Esperanton, kaj organizis Esperanto-Tagon.

“Mi provas prezenti la urbon kaj ĉirkaŭaĵon al eksterlandanoj kiuj ŝatus lerni iom pri Kimrio kaj pri Conwy,” li diris.

“Mi ankaŭ organizas kurson por tiuj kiuj deziras lerni la internacian lingvon.”

‘Historio de superregado’

Kio estas la estonteco de la lingvo? D-ro Morris opinias ke homoj daŭre parolos ĝin.

“Mi ne anticipus ke Esperanto atingus la [originalan] celon…

“Estas iom ironie – kaj ankaŭ iom triste – ke la lingvo estis kreita esti io neŭtrala, sed se vi rigardas la plej oftajn uzatajn lingvojn en la mondo, vi vidos historion de superregado.

La Esperanto-Tago ĉe Conwy okazos sabaton la 21-an de Oktobro, kaj la kongresoj ĉe Aberystwyth okazos venontan Aprilon.

 

Advertisements

Steluloj?

CameraZOOM-20171017192203701.jpgNia hieraŭa renkontiĝo estis iom malkutima ĉar vizitis nin ĵurnalisto kaj kameraisto de la kimralingva televida stacio S4C kunlaborante kun BBC.

Ili intervjuis nin en la kimra lingvo, kaj ni respondis Esperantlingve. Por mia cerbo tio estis iom konfuziga kaj mi konstatis ke mi faris kelkajn eraretojn – sed neniu el ni estas perfekta (aparte post longa labortago).  Ĉiuokaze, la ĵurnalisto estis simpatia kaj tre interesiĝis pri la lingvo – ni donis al li la defion lerni iom per Duolingo kaj veni al nia venonta renkontiĝo!

Nun ni iom nervoze atendas la ĉi-vesperan elsendon.

Unua kunveno en 2017

Nia unua kunveno de 2017 okazis pasintan mardon kaj estis tre ĝuinda.

La tasko por la renkontiĝo estas paroli dum kelkaj minutoj pri iu interesa temo kaj la rezultaj paroladoj estis informigaj kaj ĝuindaj:

quokka-1520677

JB parolis pri ŝia lastatempa vizito al Aŭstralio kie ŝi vizitis la Insulon Rottnest kaj renkontis kvokaojn.

HE rakontis pri la vivo de la franca verkisto Georges Perec kaj, sekve, pri lipogramoj.

AP klarigis (kaj montris) kio estas palimpsesto.

 

AC montris fotojn de liaj katoj kaj ankaŭ de liaj katformaj kajtoj.

bigpuss-and-friends

© Allen Coates

DF parolis pri lia familia historio kaj liaj genealogiaj ligoj al la aristokratio!

EH pensigis nin pri vortaro rilate al mondaj ekonomiaj temoj.

Do, vi povas konstati ke ni pasigis tre interesan vesperon kaj lernis multon.  La venonta renkontiĝo okazos je la 21-a de februaro kiam HE parolos pri la laboro de profesia tradukisto.

Ekskurso 25.06.2016

Flat_Holm_Aerial.jpg

By Cardiff Council – Cardiff Council Flat Holm Project, CC BY 3.0,https://commons.wikimedia.org/w/index.php?curid=3887590

La plano estas fari boatekskurson sur la Kanalo de Bristol preter la insulo Flat Holm.

La boato forlasos Kardifon je 11.30 kaj navigos preter la insulo revenonte al Kardifo je proksimume la 3-a ptm. La kosto estos po £13.50 por persono (£9.50 rabata prezo).

Poste, estos la ebleco promenadi iomete tra la malsekejo ĉe la golfeto de Kardifo kie troviĝas diversa flaŭro kaj faŭno.  Verŝajne ni tiam kune manĝos kiel ni kutimas fari en restoracio aŭ en la golfeta kvartalo aŭ en la urbocentro laŭdezire.

Se vi deziras kunekskursi, aŭ por pli da detaloj, kontaktu nin.

© Esperanto en Kardifo 2016

Ni faldis, haka-umis, kroĉetadis jen en la trinkej’

Ĉiun jaron unu el niaj kunvenoj havas la temon ‘Instruu al ni ion’.  Hieraŭ, do, ni renkontiĝis ĉe nia kutima urbocentra trinkejo por studi diversajn instrutemojn elektitajn de la grupanoj.

Estas ĉiam ĝuinda vespero kie ni esploras tre diversajn aĵojn.

Steloj

Komence, Andreo instruis al ni fari kvin-pintan stelon el papero per iom da faldado kaj nur unu tranĉo per tondilo. Laŭdire, la usona kudristino Betsy Ross [Beci Ros] instruis al George Washington [Ĝorĝ Ŭoŝinton] kiel fari tion. Detaloj kaj instrukcioj troviĝas ĉi tie.

190416-5.jpg

 

MaoriWardanceKahuroa‘Haka’
Poste, Sam instruis al ni la historion de la Maoria kanto-danco ‘haka’ kiu estas ofte farita de la NovZelanda rugbea teamo antaŭ maĉo. Se vi ŝatus lerni la vortojn en Esperanto, tuj rapidu al la jena ligo.

 

SS Arandora Star

Arandora_Star_1940Eddy rakontis al ni detalojn pri la pereo de la ofte forgesita ŝipo Arandora Star en la jaro 1940 dum la dua mondmilito. Kiu konas la sudkimrajn valojn, aparte la valon Rhondda, scios ke tie troviĝas multaj italaj kafejoj.  La ligo inter tiuj kafejoj kaj la tragedio de la Arandora Star estas malbone konata, sed tre interesa.  Se vi scipovas la anglan, la italan, aŭ la polan, vi povas legi pli ĉi tie.

Kroĉetado

190416-4

Jonjo venĝis sin pro la paperfaldado instruante al ni kiel kroĉetadi.  La inoj ĉiuj jam scipovis tion, sed la viroj devis koncentriĝi pri la tasko kiel vi vidas en la ĉi-suba foto:
190416-6.jpg

Anki Memorkartoj

Fine, Eriketo klarigis kiel uzi la senpagan memorkartsistemon Anki por vortolernado kaj kiel utile uzi la Vivo-Vortaron.

Konkludo

Estis tre interesa kaj ĝuita vespero.  Nia venonta renkontiĝo estos je la 17-a de majo, ĉe la sama trinkejo, kiam ni diskutos gramatikaĵojn…

Kaj ne maltrafu detalojn pri nia somera tagekskuro, kiuj aperos baldaŭ!

© Esperanto en Kardifo 2016